စက်ခေါင်းမှူး(၃)နှင့် အငယ်တန်းစာရေး ရာထူးနေရာများအတွက်အလုပ်လျှောက်လွှာခေါ်ယူခြင်း ၂၀၂၆ ခုနှစ်၊ နိုဝင်ဘာလ ၁၂ ရက်

၁။        ပို့ဆောင်ရေးဝန်ကြီးဌာန၊ မြန်မာ့မီးရထား၊ စက်မှုနှင့်လျှပ်စစ်အင်ဂျင်နီယာဌာန၊ စက်မှု/သွားလာ ဌာနခွဲတွင် လစ်လပ်လျှက်ရှိသော စက်ခေါင်းမှူး(၃)နှင့် အငယ်တန်းစာရေး ရာထူးနေရာများအတွက် အောက်ဖော်ပြပါ သတ်မှတ်အရည်အချင်းနှင့် ကိုက်ညီသူများ ‌လျှောက်ထားနိုင်ပါသည်-

၂။   လျှောက်ထားသူများသည် -

          (က)    ပြည်ထောင်စုသမ္မတမြန်မာနိုင်ငံသား ဖြစ်ရမည်။

(ခ)   လျှောက်လွှာပိတ်သည့် (၃၀-၁၁-၂၀၂၆)ရက်နေ့တွင် အသက်(၃၀)နှစ်၊ နိုင်ငံ့ဝန်ထမ်းဖြစ်ပါက (၃၅)နှစ်ထက် မကျော်လွန်သူဖြစ်ရမည်။

(ဂ)   ပြည်သူ့စစ်မှုထမ်းတာဝန်ကို ကျေပွန်စွာထမ်းဆောင်ခဲ့ပြီး ပုံစံ(၁၂) ရရှိပြီးသူများသည် သတ်မှတ်ချက်များနှင့်ကိုက်ညီပါက သတ်မှတ်အသက်ထက် (၃)နှစ် တိုးမြှင့်၍ လက်ခံပေးမည် ဖြစ်ပါသည်။

(ဃ)    ကျန်းမာရေးကောင်းမွန်သူများဖြစ်ရမည်။ (ဆေးစစ်မှုများပြုလုပ်ရမည်)

(င)   အစိုးရဌာနတစ်ခုခု၏ ဝန်ထမ်းအဖြစ်မှထုတ်ပစ်ခြင်း၊ ရာထူးမှထုတ်ပယ်ခြင်း ခံထားရသူများ မဖြစ်ရ။

(စ)  စက်ခေါင်းမှူး(၃)ရာထူးနေရာများအတွက် အမြင်အာရုံ ကောင်းမွန်သူဖြစ်ရမည်။ မျက်မှန်/ မျက်ကပ်မှန် တပ်ဆင်ထားသူများ မဖြစ်စေရ။ (ရေးဖြေစာမေးပွဲ အောင်မြင်ပြီးပါက Colour Blind Test စစ်ဆေးအောင်မြင်ပြီးမှသာ ခန့်ထားမည်ဖြစ်ပါသည်။

(ဆ)  စက်ခေါင်းမှူး(၃)ရာထူးနေရာအတွက် လျှောက်ထားမည့် အမျိုးသမီးများသည် အိမ်ထောင် မရှိဖူးသူ (အပျို)ဖြစ်ရမည်။

(ဇ)    စက်ခေါင်းမှူး(၃)ရာထူးနေရာအတွက် လျှောက်ထားသူများသည် နေရာဒေသမရွေး သွားရောက်တာဝန်ထမ်းဆောင်နိုင်သူများ ဖြစ်ရမည်။

၃။       သတ်မှတ်ထားသော လျှောက်လွှာပုံစံဖြင့်သာ လျှောက်ထားရမည်။ သတ်မှတ်လျှောက်လွှာပုံစံကို မြန်မာ့မီးရထား Website ဖြစ်သော https://www.railways.gov.mm ၏ Homepage တွင် Download ရယူ၍လည်းကောင်း၊ ဒုတိယအထွေထွေမန်နေဂျာ(စက်မှု/သွားလာ)ရုံး၊ နေပြည်တော်ဘူတာကြီး၌လည်းကောင်း၊ ရန်ကုန်ဘူတာကြီးအပေါ်ထပ်ရှိ အင်ဂျင်နီယာမှူး(စက်မှု/တိုင်း)၊ တိုင်းအမှတ်(၇)ရန်ကုန်ရုံး၌လည်းကောင်း၊ မန္တလေးဘူတာကြီးအပေါ်ထပ်ရှိ အင်ဂျင်နီယာမှူး(စက်မှု/တိုင်း)၊ တိုင်းအမှတ်(၃)မန္တလေးရုံး၌လည်းကောင်း အခမဲ့ရယူနိုင်ပါသည်။

၄။       သတ်မှတ်လျှောက်လွှာနှင့်အတူ အောက်ပါစာရွက်စာတမ်းများ ပူးတွဲတင်ပြရမည်။

          (က)    နိုင်ငံသားစိစစ်ရေးကတ်(မိတ္တူ)

(ခ)   လွန်ခဲ့သော(၁)လအတွင်း ရိုက်ကူးထားသော ပတ်စ်ပို့အရွယ် ကာလာဓာတ်ပုံ(၃)ပုံ (ကျောဘက်တွင် အမည်နှင့် နိုင်ငံသားစိစစ်ရေးကတ်အမှတ်ရေးရန်)

(ဂ)   စက်ခေါင်းမှူး(၃)ရာထူး လျှောက်ထားသူများအနေဖြင့် A.G.T.I အောင်လက်မှတ်(မိတ္တူ)၊ အငယ်တန်းစာရေးရာထူး လျှောက်ထားသူများအနေဖြင့် ဘွဲ့လက်မှတ်(မိတ္တူ)များအပြင် မြန်မာနိုင်ငံစာစစ်ဌာနမှ ထုတ်ပေးသည့် တက္ကသိုလ်ဝင်တန်းအောင်လက်မှတ်(မိတ္တူ)

(ဃ)    နိုင်ငံ့ဝန်ထမ်း(အမြဲတမ်း)မဟုတ်သူများအတွက် သက်တမ်းရှိ အလုပ်သမားမှတ်ပုံတင်ကတ်ပြား (မိတ္တူ)

(င)   နိုင်ငံ့ဝန်ထမ်းများအတွက် မိမိတာဝန်ထမ်းဆောင်နေသည့် ဌာနအကြီးအကဲ၏ ထောက်ခံချက်

(စ) ပြစ်မှုကင်းရှင်းကြောင်းနှင့် အကျင့်စာရိတ္တကောင်းမွန်ကြောင်း သက်ဆိုင်ရာရပ်ကွက်နှင့် ရဲစခန်းထောက်ခံချက်(မူရင်း)